Þjóðbrók

Þá er komið að því! Þjóðbrók í Gróttu föstudaginn 13. nóvember… JAAAAAHÚÚÚÚÚ!!!!!!

Nú eru að verða síðustu forvöð að skemmta sér saman áður en önnin er úti. Næstkomandi föstudagskvöld munum við fara í svaðilför út í Gróttu. Mæting er klukkan 21:30 á bílastæðið út á Nesi þar sem hægt er að ganga út í eyna. Mun Kristín stjórna halarófunni út í Gróttu en þess má geta að hún er einmitt atvinnumaður í æfintýra-og svaðilförum. Við þurfum að vera vel skóuð, vel klædd og með vasaljós! Ekki heldur gleyma svefnpokum, koddum, tannbursta og náttfötum. Gott er að hafa meðferðis eitthvað til að svala þorsta og svo ætlum við öll að skella einhverjum léttum veitingum á hlaðborð (t.d. snakk, ostar og vínber, brauð og pestó, kaka, múffur, harðfiskur, sláturkeppur…. bara neim itt!). Upp hefur komið sú hugmynd að við höfum sameiginlegt bröns um morguninn og er kostnaðurinn af því innifalinn í verðinu. Þjóðbrækur borga 1000 kr. og óþjóðbrókaðir þjóðfræðinemar borga 1.500 kr. (Vinsamlegast komið með pening með ykkur). Við munum fara í leiki af ýmsu tagi, fara á trúnó, skoða okkur um, leika á alls oddi og fl. Reynslan hefur sýnt að þetta er ógeðslega skemmtilegur viðburður og algerlega ómissandi! Háfjara á laugardeginum er klukkan 10:30 (hægt að fara svolítið fyrr ef einhverjir þurfa að drífa sig heim).

Aðeins komast 30 manns í þessa ferð og því er MJÖG mikilvægt að skrá sig sem allra, allra fyrst í kommentakerfið á síðunni!

Ekki gleyma: vasaljósum, góðum skóm, svefnpoka, pening, bjór/vín/gos/mjólk og eitthvað til að setja á næturhlaðborðið.

Albert

Tags: Fréttir // 40 Comments »

Maður er manns gaman og Þjóðbókum finnst voðalega gaman að skemmta sér saman. Nú ætlum við að reyna að halda fjörinu áfram, viðburðirnir eru vissulega mis-stórir, og næsta föstudagskvöld ætlum við að vera með óformlegan og notalegan hitting. Þar sem stór ferð er framundan, Gróttuferðin 13.nóvember, þá ætlum við að halda smá partý núna í þessari viku. Við ætlum að hittast heima hjá henni Hjördísi sem hefur verið svo dugleg að halda partý – og stunda partý – og svo ætlum við að skunda saman á tónleika Tónleikarnir sem verða fyrir valinu – eru heldur í þjóðfræðilegri kantinum, að sjálfsögðu. Nú hlustum við á íslensk, húmorísk og þjóðsagnaskotinn kveðskap hjá hljómsveitunum Ljótu Hálfvitunum og Hvanndalsbræðrum. Skemmtanahaldið mun fara fram í félagsheimili Reykjavíkur – NASA - og hefst kl. 21:30. Eðli málsins samkvæmt ætlum við að hittast eitthvað fyrr heima hjá Hjördísi, til dæmis um 18:34 ! Margt er hægt að taka sér fyrir hendur við þær aðstæður sem svona partý býður upp á, okkur hefur til dæmis dottið í hug að hringja eftir flatbökum, enda gæti hungrið farið að sverfa að á þessum tíma dags. Drekka, borða og hafa gaman saman – svo við komum aftur að upphafi þessa pistils. Þó okkur finnist innilega gaman að hitta ykkur, og Þjóðbrækur eru fremstar meðal jafningja í skemmtanaiðkun, þá ætlum við ekki að þessu sinni að bjóða upp á söngvatnið góða… hver mun koma með það sem hverjum og einum hentar í þeim efnum (þó sem mest svo allt fari örugglega sem mest úr böndunum – til að gera Hjördísi til geðs). Þeir sem vilja fara á tónleikana, ættu endilega að vera búnir að huga að miðakaupum, við viljum ekki vera of stressuð að koma okkur á staðinn, og eiga á hættu miðaleysi (það kemur fyrir þegar þessar stórsveitir spila) – og því bendum við á forsölu miða á midi.is ! 

Við vonumst til að sjá sem flesta – þeim mun fleiri, þeim mun skemmtilegra -

sem fyrr – almenn skráning – á fullt af stöðum á thjodbrok.net og svo getið þið líka látið okkur vita í facebook tilkynningunni – en heimasíðan er aðalskráningin !

Knúúúúúúss *

Tags: Fréttir // 11 Comments »

Í tilefni af því að ég er að verða þrítugur næsta laugardag, 31. október,
 og  líka í tilefni af því að þjóðbrækur eru drykkfellt og ákaflega sexí fólk,
 langar mig að bjóða öllum áhugasömum brókum að koma og drekka úr sér
 þynnkuna frá því kvöldið áður í sexí partýi heima hjá mér. Allir mæta með
 kynþokkann og eitthvað til að bleyta í sér (tvírætt ha…) og hormottu
 (þeir sem hafa svoleiðis). Ég sé um kokteilana.

 Nánari upplýsingar í linknum:
 http://www.facebook.com/home.php?ref=home#/event.php?eid=316292310528&index=1
 Kveðja,
 Óli 1. árs brók

Tags: Fréttir // 2 Comments »

Kannast þú við fyrirbærið hrekkjavöku? Þjóðfræðinemar þekkja siði og venjur betur en margur leikmaðurinn (segir Vala), því er vel við hæfi að við heiðrum siði erlendra þjóða, nú fáum við kjörið tækifæri til þess upp í hendurnar. Um helgina mun Hrekkjavaka verða haldin hátíðleg og ætlum við að taka þátt í þeim hátíðarhöldum eins og okkur einum er lagið.

Á föstudaginn (30.okt.) byrjum við á því að heimsækja Samtökin ´78 sem eru til húsa að Laugarvegi 3 á 4.hæð. Við ætlum að mæta þar stundvíslega klukkan 18:00. Að kynningu og fróðlegum umræðum loknum förum við í hrekkjavökuteiti á Kaffi Kúltúra (beint á móti Þjóðleikhúsinu) og opnar húsið klukkan 20:00. Fjögur nemendafélög hafa tekið höndun saman og skipulagt þetta hóf. Það eru Þjóðbrók, Kuml. Fróði og F.L.O.G. Keyptir hafa verið kútar og því mikilvægt að mæta með félagsskýrteini sín til og að mæta stundvíslega til að geta svalað þorsta sínum.

Þar sem þetta er hrekkjavökugleðskapur og hefur sá siður verið viðhafður hjá erlendum þjóðum að klæða sig upp í tilefni dagsins, ætlum við að gera slíkt hið sama. Verðlaun verða veitt fyrir besta búninginn.

Mætum öll: í vísó í Samtökin ´78, í hrekkjavökuparty og í ógnvekjandi búningum! Muna að skrá þátttöku í kommentakerfið..

p.s. Björk ætlar að mæta sem Zombie Play Boy kanína, Vala sem Zombie sexy hjúkka, Margrét sem Zombie sexy klappstýra og Ragna sem tilberi….

Tags: Fréttir // 18 Comments »

Á föstudaginn (16.okt.) ætla þjóðfræðinemar að láta ljós sitt skína og halda Pub Quiz. Ragna býður okkur fyrst  í teiti en hún býr á Grettisgötu 68, 3ju hæð (stendur Hulda á bjöllunni). Ætlum við að mæta til hennar klukkan 20:00 og skunda svo á Celtic Cross klukkan 22:00. Búið verður að taka frá fyrir okkur bakherbergið (sem að við vorum í, á nýnemakvöldinu) en þar mun fara fram æsispennandi spurningakeppni! Þjóðbrækur eru með tilboð á barnum til miðnættis og erum við minnt á að taka með félagsskírteini og skilríki.

Einhverjir hafa sjálfsagt frétt af því að við ætluðum í vísindaferð í Þjóðmenningarhús en henni þurfti að fresta fram yfir áramót. En við látum ekki deigan síga svona rétt fyrir verkefnaviku okkar þjóðfræðinema og skellum okkur því bara á Pub Quiz.

Ekki gleyma að skrá ykkur í kommentakerfið svo að við vitum hvað Ragna þarf að fá lánaða marga stóla…

Tags: Fréttir // 11 Comments »

Yndisfríðu þjóðfræðinemar nær og fjær

Á fimmtudaginn (8.okt.) er öllum þjóðfræðinemum boðið á fund með kennurum vorum. Fjarnemar mæta klukkan 3 og aðrir þjóðfræðinemar klukkan 4 í stofu 102 í Gimli. MJÖG vel hefur verið mætt á þessa fundi og ég ætla að biðja ykkur um að láta þennan ekki fram hjá ykkur fara! Aðal umræðuefnið að þessu sinni er “Hvað gera þjóðfræðingar?”. Þetta er örugglega spurning sem að öll okkar kannast við og höfum líklega sjálf velt fyrir okkur. Ég geri því ráð fyrir fjörugum umræðum (:

Eins og okkar er siður ætlum við að kippa með okkur einhverju góðgæti til að bjóða upp á að fundi loknum en þetta er ekki saumaklúbbur þannig að þið þurfið ekki að svitna yfir bakstri eða neinu slíku,  það má þó alveg….. Þá munum við mynda eina halarófu og fara á kennarakaffistofuna inn af skrifstofum Terry og Valdimars þar sem við munum gæða okkur á gúmmulaðinu. Kaffi og gos verður á staðnum.

Um kvöldið ætlar Björk ofurnýnemafulltrúi að bjóða okkur í partý  (c: Eftir að hafa partýast um stund verður stefnan tekin á Rockfest en ef það hefur farið fram hjá ykkur að þá byrjar Októberfest sama dag (www.oktober.is ). Heimilisfang og fleira verður auglýst betur á fimmtudaginn.

Hlökkum óstjórnlega mikið til að sjá ykkur og fræðast og skemmta okkur með ykkur….!!!

Tags: Fréttir // 1 Comment »

Hvurn langar ekki að háma í sig flatböku og mjöð og vera í beinni á sama tíma?!?!?

Föstudagskvöldið næstkomandi ætla þjóðfræði-, fornleifafræði- og rússneskunemar að skella sér í stúdíó og sjá Loga í beinni. Við mætum í gamla sjónvarpshúsið að Laugarvegi 176 klukkan 19:30 og byrjar svo útsendingin klukkan 20:00. Gengið er upp meðfram Red Chili og inn í portið til hægri.

Þar sem að við höfum aðeins 30 sæti að verma er mikilvægt að skrá sig sem fyrst! Þá er bara að skrá sig í kommentakerfið og láta sér hlakka til föstudagsins :O)

Sennilega mun svo mannskapurinn skunda í bæinn og halda áfram gleðinni en enn er óákveðið hvert halda skal… En fylgist með hérna inni á síðunni (og Facebook).

Túrúlú í bili…..

Tags: Fréttir // 32 Comments »

Á föstudaginn (25.sept.) höfum við í hyggju að fjölmenna á Landnámssýninguna 871+-2. Safnið er staðsett í Aðalstræti 16 og hefst leiðsögn að hætti Silla klukkan 18:00. Þar sem að Kumlarar (fornleifafræðinemar) eru einlægir aðdáendur okkar munu þeir slást með í för.

Að leiðsögn lokinni og drykkju á dulitlu öli munu Þjóðbrækur skunda á Íslenska barinn. Þar mun gleðin vera við völd líkt og á fyrri staðum. Ef allt gengur upp verða félagsskírteinin komin í hús og því er ekki úr vegi að nýta sér afsláttinn sem að okkur er boðinn upp á, á Íslenska barnum. Þá skal einnig tekið fram að óþjóðbrókaðir þjóðfræðinemar borga 500.- í vísindaferðina (safnið).

Samantekt: Þjóðfræðinemar/fornleifafræðinemar, Safn, Mjöður, Gleði og Hamingja=FRÁBÆR VÍSÓ!!!!!

Muna að smella kveðju inn í kommentakerfið svo við vitum hvað þarf að taka með mikið af öli…

Tags: Fréttir // 22 Comments »

Heimilisfangið hennar Hjördísar aðalpartýhaldara og menningarvita er Mávahlíð 26, 3ja hæð. Mæting kl 21:00 með bjór/vodka/appelsín/kókómjólk eða bara það sem að þið viljið drekka. Ef að þið eruð ekki með á nótunum í partýstandi, skoðið þá færsluna hér að neðan (:

Sjáumst í kveld!!!!!

Tags: Fréttir // 1 Comment »

Unaðslegu Þjóðbrækur

Tak for sidst ;-*

Með gleði í hjarta vil ég segja ykkur frá því að næstkomandi föstudag mun Hjördís (3ja árs pía) efna til teitis. Hún býr í Hlíðunum og mun heimilisfang verða birt fyrir föstudaginn. Hún væntir þess að við munum skunda til hennar í góðum fíling klukkan níu með guðaveigar undir annari og gerða- og minnaskrá Antti Aarne undi hinni. Allar glaðar og hýrar Þjóðbrækur eru velkomnar.

Þá er fyrirhugað að fara í vísindaferð á Landnámssýninguna 871+-2 föstudaginn 25.september og er mæting kl 18:00. Gjálífið mun nú ekki enda þarna því okkur er boðið að drekka öl og háma í okkur pizzu hjá Loga í beinni föstudaginn 2. október. Í vikunni þar á eftir eru fjarnemar in town og vill svo skemmtilega til að þá er líka Oktoberfest. Að sjálfsögðu munum við fara þangað í skipulögðum hópum og skandalisera. Þá er þetta komið nóg af tilkynnignum í bili og mun þetta allt verða auglýst síðar.

Aðeins eitt enn….. ég vil minna ykkur á sem að ennþá eruð óþjóðbrókuð og viljið ganga í Þjóðbrók að þá má enn leggja inn á reikning félagsins. Þið finnið allt um það í færslunni hér að neðan en félagsskírteinin fara í prenntun á næstu dögum.

Guð blessi Ísland.

Tags: Fréttir // 7 Comments »