Þjóðbrók » Viðburðir

Bjórkvöld

Nanna — Tue, 14 Oct 2008 22:00:33 +0000

Þjóðbrók stendur fyrir bjórkvöldi á Hverfisbarnum fimmtudaginn 16. október. Gleðin hefst klukkan 21:00 og stendur eins lengi og þið óskið, eða þangað til að staðurinn lokar. Háskólanemar fá bjórin á 390 krónur sem er kostaboð.

Það er um að gera að lyfta sér upp fyrir vinnutörn í lesvikunni og hita sig upp fyrir þétta dagskrá vísindaferða og annara skemmtana á næstu vikum.

Það væri vel þegið ef þið lýstuð yfir áhuga ykkar á því að mæta í kommentakerfinu.

Ást og friður – Þjóðbrók

Laufskálaréttir!!!!

Margrét — Thu, 11 Sep 2008 14:29:52 +0000

Kæru Þjóðbrókarfélagar og þjóðfræðinemar. Við hyggjumst fara í menningarreysu norður í land þann 27.september til að vera viðstödd stóðréttir þar í sveit. Þennan ágæta laugardagsmorgun munum við leggja af stað klukka 8 til að vera mætt tímanlega. Eftir réttirnar er okkur boðið í einkar þjóðlega kjötsúpu að Hólum og svo munum við skunda í Hólakirkju og fá líflega og fræðandi leiðsögn frá vígslubiskupi. Að því loknu hafa ferðamálafræðinemar á Hólum ákveðið að bjóða okkur í partý enda erum við alræmd partýdýr. Því næst verður ekið á réttarball (3000.- miðinn) í Reiðhöllinni á Sauðarkróki og slett ærlega úr klaufunum ef einhverjir hafa ekki enn fengið útrás í partýinu. Þegar gleðinni líkur í Reiðhöllinni förum við á Steinstaði þar sem við munum gista (Sú gisting kostar 2.5oo.- á manninn og mun Þjóðbrók niðurgreiða 500.- fyrir sína félaga). Ekki hefur enn verið ákveðið hvernig sunnudeginum mun verða varið og eru uppástungur vel þegnar en við munum þó halda heim á leið að lokum.
Þeir sem eru ólmir í að lyfta sér upp og upplifa ævintýralega helgi í sveitasælunni með góðu fólki eru beðnir um að skrá sig í “kommentakerfið” hér á síðunni. Einnig ef þið sjáið ykkur fært að fara á eigin bíl, því við ætlum á einkbílum (engir langferðarbílar), er gott að taka það fram. En farþegar í hverjum bíl fyrir sig munu deila bensínkostnaði á milli sín.
Skráningarfrestur er til miðnættis á mánudaginn næstkomandi eða þann 15.september. Ekki hika við að hafa samband ef upp koma einhverjar spurningar.
Bestu kveðjur, Þjóðbrækurnar.

Haustþing Þjóðfræðistofu

Nanna — Tue, 09 Sep 2008 17:22:33 +0000

“Þjóðfræðistofa býður þjóðfræðinema sérstaklega velkomna á Haustþing,
laugardaginn 13. september kl. 15:00, Höfðagötu 3 á Hólmavík, þar sem
fræðasetrið verður kynnt fyrir áhugasömum. Þá mun Cliona O’Carroll flytja
erindi um gerð þjóðfræðilegra útvarpsþátta en Cliona er lektor við
Háskólann í Cork á Írlandi og situr í fagráði Þjóðfræðistofu.

Þjóðfræðistofa er rannsóknarstofnun og fræðasetur sem starfrækt er á
Ströndum og sinnir rannsóknum og miðlun á landsvísu. Fyrirhugað er að hún
verði sjálfbær vinnustaður háskólamenntaðra starfsmanna sem hafa menntun í
íslenskum fræðum, þjóðfræði, sagnfræði og miðlun menningarsögu. Á
Þjóðfræðistofu er unnið að rannsóknar- og miðlunarverkefnum um íslenska
þjóðfræði og margvíslegum samvinnuverkefnum á sviði þjóðfræði, menningar
og lista. Á meðal yfirstandandi verkefna eru rannsóknir á ímynd
Íslendinga, matarmenningu og gerð heimildamyndar um slóðir Gísla sögu
Súrssonar. Jafnframt kemur Þjóðfræðistofa að upplýsingamiðstöð um íslenska
þjóðtrú og þjóðfræði, þar sem veittar eru upplýsingar og fyrirspurnum
svarað frá fjölmiðlum, listamönnum, stofnunum og einstaklingum, bæði hér á
landi og erlendis frá.

Erindi Cliona O’Carroll nefnist “How’s it going, boy?”: community
ethnography for radio in Cork, Ireland. Þar fjallar hún um hið svokallaða
Northside Folklore Project sem er samfélagslegt verkefni þar sem safnað
var frásögnum fólks í Cork á Írlandi. Gerð var þjóðfræðileg
útvarpsþáttaröð sem kannaði borgina frá sjónarhóli íbúanna og
endurspeglaði þannig fjölbreyttan þjóðernisbakgrunn og persónulegar
upplifanir fjölmargra Corkverja. Verkefnið vakti upp margar spurningar
um samspil þjóðfræði og fjölmiðlunar, fólksflutninga og staðarvitund og
hvaða hagnýtu möguleikar kunni að felast í samfélagslegum
þjóðfræðiverkefnum. Nánar um verkefnið á http://www.ucc.ie/research/nfp/.
Erindið verður flutt á ensku.

Allar frekari upplýsingar gefur Kristinn Schram – netfang
kristinn@akademia.is . “

Nemendafundur/nýnemakvöld

Nanna — Fri, 05 Sep 2008 15:54:10 +0000

Valdimar og Terry ætla að halda nemendafund miðvikudaginn 10 september kl. 17 í stofu
101 í Odda. Á fundinn mætir kennari frá Cork, Dr Cliona Ó Carroll, sem ætlar að segja
frá Erasmus námi í Cork. Auk þess ætlar Valdimar að segja frá MA námi í Þjóðfræði. Breytingarnar sem áttu sér nýverið stað innan HÍ verða einnig kynntar. Allir þjóðfræðinemar eru hvattir til að mæta.

Þegar Terry og Valdimar hafa lokið máli sínu tekur stjórn Þjóðbrókar við og kynnir viðburði vetrarins og bíður upp á kökur og kaffi. Auk þess verður kosinn nýnemafulltrúi og valið fólk í þorrablótsnefnd. Tilgangurinn með þessu kvöldi er einnig að nýnemarnir fái að sjá að þeir eru ekki einu þjóðfræðinemarnir heldur hluti af stórum og skemmtilegum hóp. Til að það takist þurfa að sjálfsögðu einhverjir eldri nemar að mæta líka.

Ef þú hefur hug á að mæta máttu endilega boða komu þína í kommentakerfinu svo við höfum einhverja hugmynd um hversu mikið við þurfum að baka.

Dagskrá Stúdentadaga

Nanna — Thu, 28 Aug 2008 19:57:24 +0000

Hér er dagskrá stúdentadaga. Ef þið hafið áhuga á að stofna fótbolta- og/eða gettu betur lið tjáið ykkur þá endilega um það í commentakerfinu.

Fimmtudagur 28. ágúst
DAGUR: 11:30-13:30 Nemendafélög í verkfræði- og náttúruvísindasviði og félagsvísindasviði kynna starfsemi sína á hæðinni f.neðan Háskólatorg.

Föstudagur 29. ágúst
DAGUR: 11:30-13:30 Nemendafélög á hugvísindasviði kynna starfsemi sína á hæðinni f.neðan Háskólatorg.

Þriðjudagur 2. september
DAGUR:
11:30-13:30 Nemendafélög á heilbrigðisvísindasviði kynna starfsemi sína á hæðinni f.neðan Háskólatorg.
12:15: Stúdentaráðsliðar ganga um háskólasvæðið með nýnema og gefa Akademíu. Gönguferðin hefst á Háskólatorgi.
Miðasala á stúdentasýningu SHÍ á kvikmyndina Sveitabrúðkaup eftir Valdísi Óskarsdóttur á Háskólatorgi.

KVÖLD:
18:00 stúdentasýning á kvikmyndina Sveitabrúðkaupi í Háskólabíói. Leikarar spjalla við stúdenta HÍ að sýningu lokinni.

Miðvikudagur 3. september
DAGUR:
12:15: Stúdentaráðsliðar ganga um háskólasvæðið með nýnema og gefa Akademíu. Gönguferðin hefst á Háskólatorgi.
-FS-dagur á Háskólatorgi, jazz og huggulegheit.
-Háskóladansinn með atriði á Háskólatorginu.

Fimmtudagur 4. september – Stúdentadagar
DAGUR:
-13:00 fótboltakeppni milli deilda flautuð á á túninu fyrir framan Aðalbyggingu Háskóla Íslands. Hægt er að skrá lið með póstsendingu á hah28@hi.is.
-13:00 spurningakeppnin Gettu Betur milli deilda dingluð á í ýmsum stofum háskólasvæðisins. Upplýsingar um stofur verða á www.student.is. Hægt er að skrá lið með póstsendingu á jmh3@hi.is.
-14:00 DJ Úthverfaprins og viskupaddan Steinþór Helgi Arnsteinsson spilar í tjaldi fyrir utan Háskólatorg. Tilboð í Hámu af guðaveigum frá kl. 14:00 og Atlantsolía úðar út fríkeypis pylsum.
-16:00-18:00 Hljómsveitin Hjaltalín spilar á Háskólatorgi í boði FS.

Föstudagur 5. september – Stúdentadagar
DAGUR:
-13:00 úrslit í Gettu Betur spurningakeppninni á Háskólatorgi.
-Háskóladansinn með atriði á Háskolatorgi.
-14:00 úrslit í fótboltamóti úti á túni fyrir framan Aðalbyggingu.
-14:00 góð stemning í boði DJ Úthverfaprinsins í tjaldi fyrir utan Háskólatorg, músík, pylsur og mjöður.

KVÖLD:
Háskólaball á Broadway – allar nánari upplýsingar síðar.

Þjóðfræði og þakkarskuld: Áttræðisþing til heiðurs Jóni Hnefli Aðalsteinssyni

Óli Gneisti — Tue, 27 Mar 2007 20:16:10 +0000

Þjóðfræði og þakkarskuld:
Áttræðisþing til heiðurs Jóni Hnefli Aðalsteinssyni

Föstudaginn 30. mars 2007, 13.00-18.00 Þjóðminjasafni Íslands

Dagskrá
13.00-14.00: Þjóðfræði og þakkarskuld
Valdimar Tr. Hafstein: Inngangsorð
Katla Kjartansdóttir: Fávíst barn fetar fræðimannsins braut
Kristinn Schram: “Ágætt að hafa svolítinn húmor”

Kaffihlé – 14.00-14.30

14.30-15.30: Að fortíð skal hyggja …
Málstofustjóri: Anna Þrúður Þorkelsdóttir
Jón Jónsson: Á mörkum mennskunnar: Sögur af flökkurum
Marteinn Helgi Sigurðsson: Sig-Týr, hanga-Týr, farma-Týr: Skipti á nöfnum í goðakenningum
Rósa Þorsteinsdóttir: Tveir dagar á Vaðbrekku í ágúst 1964: Hljóðritanir og heimildamenn

Kaffihlé – 15.30-16.00

16.00-17.00: … er framtíð skal byggja

Málstofustjóri: Rúna K. Tetzschner
Rakel Pálsdóttir: Keðjubréf á Internetinu
Gunnella Þorgeirsdóttir: Ein mynd er á við þúsund orð: “Fótósjoppaðar” ljósmyndir sem flökkusagnir
Kristín Einarsdóttir: Hvernig fannst þér skaupið?

Skálað í hvítvíni í lok dags

Vísindaferð í Framsóknarflokkinn

Eggert Sólberg — Thu, 01 Mar 2007 10:05:33 +0000

Næsta föstudag (23. mars) býður Framsóknarflokkurinn okkur í heimsókn til sín að Hverfisgötu 33 frá kl. 17-19. Óþarfi er að skrá sig sérstaklega (þó þið megið það að sjálfsögðu). Að heimsókn lokinni stefnum við að því að fara saman út að borða og loks í partý. Þetta verður því hinn skemmtilegasti föstudagur.