Nafn? Valdimar Tryggvi Hafstein
Hvaðan kemur nafnið? Frá öfum tveimur og þangað lengra aftan úr ættum. Hafstein segir sagan að sé upphaflega viðurnefni sem færeyskur skipbrotsmaður fékk eftir að hann bjargaðist úr sjávarháska þar sem aðrir bátsmenn fórust og “flaut” langa leið um opið haf áður en hann rak loksins að landi.
Hvenær komstu í heiminn? 12. október 1972
Uppeldisstöðvar? Reykjavík, Brussel (nunnuskóli, úff), Reykjavík, Genf, Reykjavík
Af hverju þjóðfræði? Lítið fag með stórt hjarta (hugsið ykkur bara hvað það er mikið betra en hið gagnstæða)
Stendur til að læra eitthvað meira? Já já
Hvað ertu búin að kenna lengi? Síðan 2000 við Háskólann, en var bara að byrja í fullu starfi.
Þjóðlífs-, þjóðsagna- eða þjóðháttafræði? Þjóðfræðin er þríein. Eða er hún þríhöfða þurs? Alla vega, einn fyrir alla og allir fyrir einn og allt það.
Hvað var í kvöldmatinn í gær? Steiktar fiskibollur með bráðnu smjöri og soðnum kartöflum, nammi namm.
Hvað verður í jólamatinn? Æi, ætli það verði ekki eitthvað reykt.
Áttu þér einhverja skemmtilega ávana? Veit nú ekki hvort það er beint skemmtilegt, en ég fangi í viðjum vanans, afskaplega rútíneraður náungi. Til að mynda drekk ég sams konar kaffi á hverjum morgni við sama borðið á sama kaffihúsinu. Eðalkaffi, reyndar.
Uppáhalds staður? Ekki frá því að það sé Washington Square Park í New York.
Pylsa eða pulsa? Já takk.
Eitthvað að lokum? Amen.
Nafn? Terry Gunnell
Hvaðan kemur nafnið? Nafnið Terence Adrian kemur líklega frá pabba, sem fannst að ég ætti annaðhvort að vera leikari (Terence), eða hárgreiðslumaður (Adrian).
Hvenær komstu í heiminn? 7 júli 1955
Uppeldisstöðvar? Brighton and ‘ove… Þá Birmingham.
Af hverju þjóðfræði? Af hverju ekki?
Stendur til að læra eitthvað meira? Maður er sífellt að læra (- og gleyma, þegar maður er kominn á sextugs aldri, og er einnig orðinn afi.)
Hvað ertu búin að kenna lengi? Var framhaldsskólakennari frá 1978-1998; stundakennari í HÍ (almenn bókmenntafræði og þjóðfræði 1993-1998); lektor í þjóðfræði 1998:
Þjóðlífs-, þjóðsagna- eða þjóðháttafræði? Allt…
Hvað var í kvöldmatinn í gær? Við vorum að flýta okkur: kjúklingamánar með hvítlauksósti… og hrísgrjón (einhver gleymdi að kaupa kartöflur).
Hvað verður í jólamatinn? Svínakóteletur á la tengdó… og Christmas pudding (hjá okkur einhvern tíma).
Áttu þér einhverja skemmtilega ávana? kennsla
Uppáhalds staður? Balestrand í Norge; heima hjá mér; The Royal Oak pub í Sussex, Englandi; The Whisky Society, Leith, Edinborg.
Pylsa eða pulsa? Cumberland sausages
Eitthvað að lokum? Skemmtileg áritun á leggsteininum.
Nafn? Aðalheiður Guðmundsdóttir
Hvaðan kemur nafnið? Frá aðalpersónu samnefndrar sögulegrar skáldsögu eftir C. Davies
Hvenær komstu í heiminn? Þann 7. mars 1965
Uppeldisstöðvar? Fyrstu sex árin ólst ég upp á Innra-Leiti á Skógarströnd, en eftir það í Hafnarfirði (þar af nokkur ár á Straumi – hvíta og rauða burstabænum sem allir keyra fram hjá á leiðinni til Keflavíkur).
Af hverju þjóðfræði? Besta leiðin til að koma auga á samhengi hlutanna. Hjálpar til við að skilja heiminn.
Stendur til að læra eitthvað meira? Er þegar komin með efstu prófgráðu, en skóli lífsins er líklega ævilangur.
Hvað ertu búin að kenna lengi? Í íslenskunni frá 1995, en þjóðfræði frá c. 2000.
Þjóðlífs-, þjóðsagna- eða þjóðháttafræði? Fyrst og fremst þjóðsagnafræðin, myndi ég segja, en þjóðlífið er líka heillandi rannsóknarefni.
Hvað var í kvöldmatinn í gær? Grænmetisbuff með sætum kartöflum og salati.
Hvað verður í jólamatinn? Forréttur (ekki búin að ákveða hann), hamborgarhryggur og möndlugrautur. Annars á ég blendnar minningar í sambandi við jólagrautinn, því ég fékk alltaf möndluna og systkini mín voru heldur pirruð á þessu á aðfangadagskvöld. Nú er ég farin að læða möndlunni til krakkanna minna. Ótrúlegt.
Áttu þér einhverja skemmtilega ávana? Marga skrítna, held ég, allavega hlær fjölskylda mín að ýmsu sem ég geri. Hef alltaf haft ótrúlega mikið hugmyndaflug og er alltaf eitthvað að bauka.
Uppáhalds staður? Heillast af Skandinavíu, sérstaklega Noregi, Svíþjóð og Finnlandi. Geng reglulega um skóginn í Undirhlíðum í Heiðmörk, sem er eiginlega „staðurinn minn“. Líður annars vel heima.
Pylsa eða pulsa? „Ein góð pylsa er alltaf ein góð pylsa“. Setning sem ég og krakkarnir mínir fórum oft með eftir forstöðukonu elliheimilsins í sögunni um Emil í Kattholti. Frábært atriði.
Eitthvað að lokum? Ég var að ljúka við að lesa ritgerðirnar í þjóðsagnafræðinni – miklir snillingar, þessir „krakkar“.
Nafn? Kristín Einarsdóttir
Hvaðan kemur nafnið? skírð eftir móðursystur minni sem dó af barnsförum rúmlega tvitug – (afskaplega sorglegt og olli mér hugarangri fram eftir aldri)
Hvenær komstu í heiminn? 31. dag maímánaðar 1952
Uppeldisstöðvar? sveitabær við Langá í Borgarhreppi í Mýrarsýslu.
Af hverju þjóðfræði? Ögmundur Helgason sagði mér að þar ætti ég heima og ég hlýddi því og blessuð sé minning hans.
Stendur til að læra eitthvað meira? Er alltaf að læra eitthvað meira.
Hvað ertu búin að kenna lengi? Ég byrjaði að kenna Innganginn haustið 1999 og ætla að kenna Innganginn þangað til mér verður hent út úr stofnuninni og inn á Grund.
Þjóðlífs-, þjóðsagna- eða þjóðháttafræði? Bara allt
Hvað var í kvöldmatinn í gær? Það skal ég segja þér með ánægju af því það er svo sjaldan eldað hér á þessu eymdarheimili. Í gær var steiktur lax, með fiskikryddi bæði frá Pottagöldrum og Knorr (blandað til helminga) borið fram með saladi og kartöflum. Þetta er annar af tveimur réttum sem ég kann að elda, hinn rétturinn er steiktur silungur á sama máta.
Hvað verður í jólamatinn? Kalkúnn, sem ég elda reyndar líka, ég fer að halda að ég sé fyrirmyndarkokkur.
Áttu þér einhverja skemmtilega ávana? Já, örugglega en man bara þessa leiðinlegu.
Uppáhalds staður? Álftavatn, Hattfell, Fjallbak nyrðra …
Pylsa eða pulsa? Fer eftir því hvort ég er að fá mér pulsu með einhverjum málfarsfasistum eða ekki.
Eitthvað að lokum? Hlakka mjög mikið til að lesa þessi svör frá öðrum kennurum.
Hvaðan kemur nafnið? Ingibjörg er frá ömmu minni og Hanna frá systur hennar
Hvenær komstu í heiminn? 25. nóvember 1984, 2 mínútur fyrir miðnættið. Mamma og ljósmóðirin voru ekki sammála um tímasetninguna því mamma leit á klukkuna rétt eftir að ég fæddist en ljósmóðirin þegar hún var eitthvað búin að stússast með mig. Þannig að mamma mátti ráða hvort ég hefði fæðst 25 eða 26!
Uppeldisstöðvar? Hólabak í Austur- Húnavatnssýslu
Hvenær og hvaðan tókstu stúdentspróf? Frá Menntaskólanum á Akureyri árið 2004
Af hverju þjóðfræði? Jeminn, einhvurra hluta vegna æxlaðist það þannig. Byrjaði reyndar í íslensku en þó fylgdi hjartað þjóðfræðinni alla önnina, veit samt ekki af hverju mér datt það í hug upphaflega.
Hvar ertu stödd í náminu? Kýs að segja mig vera á 2.ári en er í rauninni á 2. önn.
Þjóðlífs-, þjóðsagna- eða þjóðháttafræði? Ég snýst eins og laufblað í vindi varðandi það, held þó núna að þjóðlífs sé nr. 1, þjóðsagna nr. 2 og þjóðháttafræðin nr. 3. Líst semsagt best á þjóðlífið.
Hvað var í kvöldmatinn í gær? Ég fékk afgang síðan á sunnudaginn, það samanstóð af lambi í rjómasósu einhverri, mjög gott.
Áttu þér einhverja skemmtilega ávana? Ég striplast iðulega fyrir framan herbergisgluggann, nágrönnum mínum til yndisauka.
Uppáhalds staður? Þar sem hamingjan ríkir og ég get dansað
Pylsa eða pulsa? Pylsa- Ég byrjaði ekki í íslensku fyrir ekki neitt!
Hvar er líklegast að finna þig í vetur? Það mun vera í nýju íbúðinni minni sem ég flyt í um næstu helgi, Bólstaðarhlíð 33, kjallari. Öllum velkomið að koma í heimsókn hvenær sem er. Og ég meina það!
Hvað á að gera eftir BA? Draumurinn er að vinna sér inn smá pening í nokkra mánuði. Fara svo út til Ítalíu og lifa lífinu, læra málið almennilega og njóta Ítalíu og Ítalanna. Eftir það væri gaman að fara í framhaldsnám í Bretlandi en það er algjörlega óljóst hvað það yrði. En svo veit maður aldrei hvað framtíðin ber í skauti sér.
Eitthvað að lokum? Ást til allra… ]]>
Nafn? Bryndís Björgvinsdóttir
Hvaðan kemur nafnið? Pabba fannst töff að láta mig heita einhverju nafni sem byrjar á -B, hann er svo mikið fyrir höfuðstafi og stuðla.
Hvenær komstu í heiminn? Um klukkan 07:20 24. mars 1982.
Uppeldisstöðvar? Hafnarfjörður City!
Hvenær og hvaðan tókstu stúdentspróf? Ég var í MH á árunum 1998-2002.
Af hverju þjóðfræði? Það var helber tilviljun. Ég var í Sagnfræði og ætlaði að velja mér aukafag og varð Landfræði fyrir valinu. Hún var ágæt þangað til að kennarinn sagði okkur að mæta með reiknivél í tíma, þá sagði ég bara “Hingað og ekki lengra” og hætti í faginu. Þá ákvað ég að kíkja til Kristínar Einars í Inngang að Þjóðfræði og mér líkaði strax svo vel við efnið og stemmninguna að ég endaði í MA námi í faginu. Ég lofa nú þann dag er ég kynntist Þjóðfræðinni!
Hvar ertu stödd í náminu? Á Fyrstu önn í MA
Þjóðlífs-, þjóðsagna- eða þjóðháttafræði? Jafnvíg á öllum vígstöðum!
Hvað var í kvöldmatinn í gær? Íslenskur kjúklingur í tælensku gervi.
Áttu þér einhverja skemmtilega ávana? Æ, nei… ég veit þó um ekkert fallegra en nýfædd lömb og liggur alltaf við gráti þegar ég sé þau, held samt að það sé meira furðuleg viðbrögð en skemmtilegur ávani. Jú svo stundum, sérstaklega þegar ég er stressuð, þá fæ ég hrikalega ljótan kæk, en það er ekki heldur skemmtilegur ávani. Pass.
Uppáhalds staður? Næfurholt, sveitabærinn sem ég var á í mörg sumur og er næsti bær við Heklu, þar er sko massa mikið af lömbum. Hafnarfjörður fær líka að vera með, en annars finnst mér svona oftast bara fínt að vera það sem maður er hverju sinni.
Pylsa eða pulsa? Það er “pulla”.
Hvar er líklegast að finna þig í vetur? á Íslandi.
Hvað á að gera eftir MA? Bara sitjast yfir öll tilboðin sem ég á eftir að fá og vingsa svona út það sem er áhugaverðast og best borgað, kaupa hús, bimma og land undir lömbin mín. …ekki gleyma síðan að vera raunsæ! Er þetta ekki það sem er í boði..eða?
Eitthvað að lokum? Já, ég vona að félagslífið sé afbragð og dauðskammast mín fyrir að mæta aldrei neitt… svo hlakka ég til að sjá nýja Slæðing, hvenær kemur hann?
Nafn? Mér var gefið nafnið Sigrún Sigmarsdóttir og var skírð það líka 
Hvaðan kemur nafnið? Ég er skírð í höfuðið á frænku minni. Mamma ákvað strax að hún myndi skíra eftir henni, og þegar þriðja stelpan hennar fæddist þá sagði hún: Jæja, þá er Sigrún komin, og þá er ég hætt.
Hvenær komstu í heiminn? ég fæddist á Landspítalanum við Hringbraut sunnudaginn 23. október á því herrans ári 1983, kl. 21.09.
Uppeldisstöðvar? Ég flutti í Hvassaleitið sama ár og Kringlan var opnuð og, þrátt fyrir þrálátt bann móður minnar, var sú bygging helsti leikvöllur fram eftir öllu. Þegar gelgjan náði hámarki var ég dregin í sveita og látin dúsa í Grafarvoginum.
Hvenær og hvaðan tókstu stúdentspróf? Verzlunarskóli Íslands á þann heiður að hafa útskrifað mig í maí 2003, af stærðfræðibraut.
Af hverju þjóðfræði? Af hverju ekki?! Mér skilst að ég sé gömul sál, og hef fengið að heyra að langamma mín, sem lést örfáum dögum áður en ég fæddist, fylgi mér í gegnum þetta allt saman.
Hvar ertu stödd í náminu? Mér hefur alltaf verið vel við málsháttinn, þetta kemur með kalda vatninu, og hefur hann fylgt mér síðastliðin 3 ár í þjóðfræðinni. En ætli ég láti ekki 4 ár duga í þetta og útskrifist næsta vor (7, 9, 13).
Þjóðlífs-, þjóðsagna- eða þjóðháttafræði? Eiginlega beggja blands, þó undanfarið hef ég verið meira að hallast að þjóðháttafræðinni með áherslu á því gamla í nútímanum.
Hvað var í kvöldmatinn í gær? Kvöldmaturinn í gær var í fljótlegri kantinum, heimatilbúnir kjúklingaborgarar með helling af grænmeti og BBQ sósu.
Áttu þér einhverja skemmtilega ávana? nei, en fullt af leiðinlegum.
Uppáhalds staður? ætli ég verði ekki að velja þann týpíska kost, rúmið. Það er sérstaklega gott að kúra þegar það er rigning úti og maður heyrir í henni dynja á rúðunni.
Pylsa eða pulsa? fer eftir hvaða skapi ég er í 
Hvar er líklegast að finna þig í vetur? Á þjóðarbókhlöðunni að vinna eða heima að læra.
Hvað á að gera eftir BA? kemur í ljós
Eitthvað að lokum? Welcome to the real world, It sucks! You’re gonna love it.
]]>
Nafn? Hugrún Lukka GuðbrandsdóttirHvaðan kemur nafnið? Pabba mínum datt það í hug þegar að hann sá mig fæðast og síðan var kosið um það.
Hvenær komstu í heiminn? laugardaginn 30. apríl 1983
Uppeldisstöðvar? Staðarhraun í Hraunhrepp á mýrum
Hvenær og hvaðan tókstu stúdentspróf? frá FVA í desember 2003
Af hverju þjóðfræði? Af því mér fannst það áhugavert.
Hvar ertu stödd í náminu? er á öðru ári
Þjóðlífs-, þjóðsagna- eða þjóðháttafræði? bara allt saman
Hvað var í kvöldmatinn í gær? hamborgari og franskar í vinnunni
Áttu þér einhverja skemmtilega ávana? Ég er bara ótrúlega skemmtileg yfir höfuð!
Uppáhalds staður? Staðarhraun
Pylsa eða pulsa? pulsa
Hvar er líklegast að finna þig í vetur? Alls staðar annars staðar en heima hjá mér. ]]>
Nafn? Tómas Vilhjálmur Albertsson
Hvaðan kemur nafnið? Föður og langafa
Hvenær komstu í heiminn? 22 jan 1960 Biloxi, Mississippi, USA
Uppeldisstöðvar? Sauðárkrókur
Af hverju þjóðfræði? Almennur áhugi á þjóðfræði
Hvar ertu staddur í náminu? er að skrifa BA ritgerðina
Þjóðlífs-, þjóðsagna- eða þjóðháttafræði? Þjóðfræði sem regnhlíf fyrir þetta allt saman
Hvað var í kvöldmatinn í gær? steiktar pylsur með beikon og spaghetti í steiktum tómötum
Áttu þér einhverja skemmtilega ávana? skoða bókasöfn þar sem ég er í heimsókn
Uppáhalds staður? heima hjá börnunum
Pylsa eða pulsa? geri engan mun á þessu
Hvar er líklegast að finna þig í vetur? í gamla náttúrurfræðihúsinu
Hvað á að gera eftir BA? Masters nám og fara að skrifa og gefa út.
Eitthvað að lokum? Þakka samnemendum fyrir samvistina í náminu.
Nafn? Þórunn Kjartansdóttir
Hvaðan kemur nafnið? Ömmu systir mín átti að heita Þórunn en presturinn vildi ekki skíra hana svona ókristilegu nafni, þannig að hún var látin heita Kristólína. Ég heiti því óbeint í höfuðið á hennni.
Hvenær komstu í heiminn? Rétt fyrir kaffið 2 júní 1983
Uppeldisstöðvar? alla tíð hef ég búið í Nýjubúð í Eyrarsveit
Hvenær og hvaðan tókstu stúdentspróf? vor 2003 frá FVA
Af hverju þjóðfræði? æi Lukka var í því!!! gat fengið bækurnar hennar
Hvar ertu stödd í náminu? var bara að byrja
Þjóðlífs-, þjóðsagna- eða þjóðháttafræði? veit ekki held samt Þjóðháttafræði
Hvað var í kvöldmatinn í gær? Samloka með osti og skinku + melóna
Áttu þér einhverja skemmtilega ávana? Nei held ekki!!!
Uppáhalds staður? Heima undir sæng
Pylsa eða pulsa? Pulsa hitt er bara snobb!!
Hvar er líklegast að finna þig í vetur? vonandi einhverstaðar að læra.
Hvað á að gera eftir BA? gifta mig, eignast 10 börn og verða heima vinnandi….. nei veit ekki best að klára bara eitt í einu.
Eitthvað að lokum? Þegar ég verð búin að laga til heima hjá mér skal ég bjóða í partý!!