Hér er það sem er á döfinni hjá okkur í Þjóðbrók á næstunni:

- Í kvöld er okkur boðið að koma og dansa hjá Þjóðdansafélaginu. Herlegheitin byrja klukkan 20:00 og eru til húsa að Álfabakka 14A.

- Leynivinavikan er komin í fullt stand og munum við slútta henni með herlegheitum næsta fimmtudag klukkan 20:00 á einhverjum góðum stað. Það verður nánar auglýst síðar.

- Miðasalan á Þorrablót byrjar í næstu viku og verður hún Mánudag, Miðvikudag og Fimmtudag kl.12:00-15:00 á 2.hæð í Odda. Einnig munum við koma og selja mastersnemum á þriðjudaginn í pásunni þeirra. Miðaverðið er kr.5000 fyrir þjóðbrækur og kr.6000 fyrir maka og aðra óþjóðbrókara..

- Þorrablótið sjálft er síðan þann 17.febrúar á Sjóminjasafninu – Það verður geðveikt!

- Þann 21.febrúar förum við síðan í Spurningabombuna og sitjum þar í salnum, fáum bjór og pitsu og höfum gaman.

- þann 23.febrúar er Vísindaferð í Framsókn. Staður og stund verður nánar auglýst síðar.

Svona lítur megnið af febrúar út hjá okkur. Við munum skemmta okkur gríðarlega vel saman og reynum að hafa þetta fjölbreytt. Af gefnu tilefni vil ég hvetja alla til að fylgjast með viðburðum á facebook inn á Þjóðbrók og einnig inn á Þjóðbrækur til sjávar og sveita. Við gerum okkar besta til að ná að bjóða öllum og muna eftir öllum, en stundum stríðir facebook okkur og stundum erum við gleymnar. Við póstum öllum viðburðum á veggina þannig að þið getið séð þá og gert attending ef þið ætlið að koma. Þið eruð Þjóðbrók þannig að við biðjum ykkur um að hjálpa okkur að gera viðburðina sýnilega og fylgjast aðeins með í stað þess að bíða eftir að fá boð eða verða sár vegna þess að þið fáið ekki boð. Endilega látið þá vita sem ekki eru búin að fá boð og bjóðið þeim sem þið sjáið að eru ekki komin inn á viðburðinn. Við erum öll í þessu nemendafélagi og verðum að hjálpast að! Við gerum okkar besta í að setja líka hér inn og senda ykkur póst.

Kær kveðja og hlakka til að sjá ykkur öll í febrúar,

Aldís Fjóla
Forynja

Á miðvikudagsmorgun verður sameiginlegur morgunverður hjá fjarnemum og kennurum kl.8:30 í Gimli 102. Við hvetjum alla til að koma með morgunmat handa sér og máski eitthvað til að deila líka.

Á miðvikudaginn klukkan 16:00 í Odda 101 verður fundur um þjóðfræðinámið þar sem nemendur geta spurt og komið með hugleiðingar til kennara og samnemenda. Við hvetjum alla til að koma og hlusta eða leggja sitt til málanna svo skapist góðar umræður. Hvort sem það er um námið, félagslífið, dreifingu námskeiða, BA nám, mastersnámið eða hvað sem ykkur dettur í hug er gott að koma og ræða málin við kennara og samnemendur.

Á fimmtudaginn ætlum við að skella okkur á nýjasta safnið í bænum, hið Íslenska reðasafn. Þar mun Hjörtur taka vel á móti okkur og munum við skoða safnið hátt og lágt, en í safninu er einmitt þjóðfræðideild sem gaman er fyrir okkur að skoða og velta fyrir okkur.
Við fáum 50% afslátt á miðaverði og kostar miðinn 500 krónur. Mæting er á reðasafnið kl.15:10.

Á föstudaginn verður síðan nýnemastuð Þjóðbrókar sem hefst kl.20:00.. Staðsetning verður auglýst síðar í vikunni.

Við vonum að þið mætið sem flest á eitthvað af þessum viðburðum og hlökkum til að hitta ykkur eftir jólafríið!!

Stjórn Þjóðbrókar.

Hlökkum til að sjá ykkur og eiga notalega stund saman!

Stjórn Þjóðbrókar

Til að geta sent inn fjölda þá megið þið endilega svara mjög samviskulega hérna fyrir neðan eða á facebook viðburðinum:  http://www.facebook.com/event.php?eid=219021541502889

Við ætlum að skunda á Halloween partý á morgun með fjórum öðrum nemendafélögum: Fróða, Homo, Curator og Kuml. Partýið verður á Norðurpólnum sem er úti á Seltjarnarnesi og það verður geðveikt! Við hvetjum alla til að mæta í búningum því það verður keppni og það væri geggjað ef að ein Þjóðbrókin myndi vinna. Hver kemur með sitt áfengi en Þjóðbrók verður með skot og eitthvað geggjað gott fyrir sitt fólk. Hlökkum til að sjá ykkur öll!!

Síðan ætlum við að fara út í Gróttu í næstu viku, á föstudaginn 4.nóvember. Mæting á Snoppu (hjá Gróttu) er klukkan 20:00 og við leggjum af stað yfir kl.20:10.

Í Gróttu verður síðan smá kvöldvaka með úrvals draugasögum frá Kristínu og skemmtilegu spjalli og leikjum.

- Ef einhverjum dettur í hug einhverjir leikir eða einhverjar draugasögur til að segja um kvöldið/nóttina mega þeir endilega láta okkur í  stjórninni vita.

- Það eiga allir að koma með eitthvað til að setja á kvöldsnarlshlaðborð.

- Þeir sem vilja fá sér eitthvað áfengt mæta með það sjálfir.

- Þjóðbrók býður upp á morgunmat kl. 09:00 daginn eftir. Við komumst yfir í land aftur kl.09:30.

Það sem fólk þarf að koma með með sér:

- Vasaljós og Vaselín

- Svefnpoka

- Nasl á kvöldhlaðborðið

- Ýkt góða skapið

- Hlý föt/náttföt

- Tannbursta og tannkrem

Skráningin verður eins og í draugaferðina, þeir sem borga eru skráðir. Það kostar aðeins 1000 krónur og þið leggjið hann inn á okkur og sendið skýringuna “Grótta” til hrk10@hi.is. Það eru 40 sæti í boði og 10 síðustu þurfa að koma með dýnu með sér!

Reikningsnúmerið er:

0137-26-017956

kennitalan 451089-1619

og skýringin “Grótta” til hrk10@hi.is
Hlökkum til að sjá ykkur rýjurnar mínar!

Fríir hattar!!!

Samt ekki.

http://www.facebook.com/event.php?eid=265228760183948

- Við erum búin að ákveða að hafa samlokur fyrir ykkur í rútunni, svona til að seðja hungrið aðeins.. Það er samt allt í lagi að koma með smá nesti ef þið verðið fljótt glorhungruð

- Þið sjáið um ykkar drykkjarföng sjálf. Það er leyfilegt að drekka í rútunni, en við verðum að muna að ganga vel um og taka allar dósir og hella ekki niður Það er líka leyfilegt að koma með sitt eigið áfengi þar sem við borðum og við verðum þar í dágóða stund.. Þannig að þið metið endilega það sem þið þurfið

Mæting er kl. 14:50 fyrir neðan Odda. Við förum kl.15:00/15:10. Þannig að þeir sem eru i skólanum verða að vera tilbúin þar.

Við hlökkum alveg hrikalega til.. Shjitturinn titturinn hvað þetta verður gaman!

Haustferð Þjóðbrókar verður með draugaívafi þetta haustið… Við munum fara á vit drauga um suðurlandið með leiðsögn Bjarna Harðar, þjóðfræðingi og mun Kristín Einarsdóttir vera með til að leiðrétta hann.

Við leggjum af stað klukkan 15:00 frá Odda (þannig að þeir sem eru i skólanum verða tilbúnir strax eftir tíma) og förum þaðan í rútu um Flóann í draugaleiðsögn. Eftir það kíkjum við á Draugasetrið, við fáum okkur síðan að borða á Eyrabakka ( hjá tengdaföður nýnemafulltrúans sem ætlar að GEFA okkur mat!) og verðum komin heim um 23:00 sama kvöld.

Þessi herlegheit kosta aðeins kr.3000 fyrir Þjóðbrókarmeðlimi en kr.4000 fyrir hinn almenna borgara. Allir eru velkomnir með en aðeins 40 sæti eru í boði!! Vinsamlegast skráið ykkur samviskusamlega á viðburðinn á facebook:http://www.facebook.com/event.php?eid=150528048373105  og með því að borga gjaldið eigi síðar en á sunnudaginn 25.september.

Kt. 451089-1619
Rkn. 0137 – 26- 017956
og hafið endilega “draugaferð” í skýringu.

Hlökkum enn og aftur til að sjá ykkur sem allra flest!!

Stjórn Þjóðbrókar

Á morgun klukkan 17:00 mun Jenny Butler fjalla um skiptinám við Cork og um doktorsritgerðina sína í Odda 206.

Jenny Butler er þjóðfræðingur við þjóðfræðideild háskólans í Cork á Írlandi þar sem hún vinnur að doktorsritgerð sinni um írska galdra og nýheiðni (Irish Witchcraft and Neo-Paganism). Hún vinnur einnig að rannsóknum á álfasögum (fairy folklore) sem séu svipaðar á Írlandi og á Nýfundnalandi í Kanada. Jenny hefur frá árinu 2002 flutt erindi um galdra og nýheiðni á ýmsum ráðstefnum.

Hún ætlar að hitta þá nemendur sem hafa áhuga á skiptinámi við Cork og fræða okkur um áherslurnar sem eru í þeim skóla. Einnig ætlar hún að spjalla við okkur um doktorsritgerð sína um írska galdra og nýheiðni.

Við hvetjum alla þá sem hafa áhuga á skiptinámi að láta sjá sig!