Þjóðbrók

Jæja kæru Þjóðbrækur

Þá er komið að því sem allir hafa beðið eftir. Ferð í Laufskálaréttir, vúbb vúbb!

Laggt verður af stað stundvíslega klukkan 07:00 á laugardagsmorgun þann 25 september. Við stefnum á að vera komin í réttirnar áður en stóðið er rekið inn í réttirnar þar sem það er af sjálfsögðu mjög stór þáttur í upplifuninni. Að réttunum loknum höldum við heim að Hólum þar sem Jón Aðalsteinn tekur á móti okkur og fer með okkur á sögulegar slóðir. Að skoðunarferðum loknum höldum við að Steinsstöðum þar sem við munum jafnframt gista og boðið verður upp á kjötsúpu að gömlum sið.

Þar sem Steinsstaðir eru í töluverðri fjarlægð frá dansiballinu í reiðhöllinni á Sauðárkrók höfum við brugðið á það ráð að halda sérstaka kvöldvöku með öllu tilheyrandi á Steinsstöðum. Ef mikill áhugi er fyrir hendi að skella sér á ball munum við eftir fremsta megni reyna að redda fari fram og tilbaka fyrir þá einstaklinga. En þar sem að aldurstakmark á ballið er 16 ár er það reynsla margra reyndra laufskálaréttamanna að það gæti jafnvel verið meiri stemming fólgin í því að skemmta sér saman í minni hóp. Við vitum það öll að þar sem nokkrar þjóðbrækur koma saman er alltaf gaman!

Fast verð er ekki ennþá komið á hreint, það fer eftir fjölda þátttakanda auk þess sem við erum ennþá að vinna í því að finna ódýrustu rútuferðina. Til þess að hafa einhverja hugmynd um fjölda þá ætlum við að byðja fólk að greiða staðfestingargjald að upphæð 2000 krónur í þessari viku sem er ekki endurgreiðanlegt.

Reikningsnúmerið er:

0137-26-017956

kennitalan 451089-1619.

Þið megið gjarnan setja “laufskálarétt” í skýringu og senda kvittun á oli1@hi.is.

Það vill enginn vera útundan þegar hinir eru að tala um hvað var gaman í þessari ferð svo endilega skráið ykkur sem fyrst! Makar velkomnir með!

knús og kossar.

Stjórnin

Tags: Fréttir // 1 Comment »